Informasie euver ós repertoire
2025:" 't Verbóndj van leuke luuj", ós nuuje leedje veur sezoen 2025/2026:
Ein bietje Rio aan de Roer! Op 26 oktober prizzenteerde veer ós nuuje leedje in De Ster in Neel tiedes 't Katers Uule Leedjes Sjpektakel (KUUL). Wáát ein gewéldig fees waerde det, mit es bekroning de eerste plaats biej zowaal vakjury es publieksjury. Veer zeen d'r óngerstebaove van en kinnen 't bienao neet geluive.
2024: "Éllef belonne"
Ingrid deej in 2024 solo mit aan KUUL omdet Edwin es gevolg van eine hernia neet kós mitdoon.... en prómp kwaam 't in de kategorie covers es WINNAAR oet de bus!
2023: "Haaj mich nog heel efkes vas"
Ós eerste leedje ooit. En allein daorom al sjpesjaal. Veer haaje allebei op ózze bucketlist sjtaon om tenminste eine keer ein vastelaovesleedje te make.
Ingrid haaj al in 2018 ein melodie op ziene tillefoon ingezonge, en det waerde 't refrein, en dao kwame ein paar couplette biej, en eine bridge... en zo ontsjting in 2023 dan ós eerste leedje....
Live optraejes
Veer traeje live op! Aafgeloupe sezoene ware veer onger angere te zeen bie de KUUL, bie 't oetrope van prinse, 't MLLF 2024 en 2026, de 11devande11de in Remunj, prinserecepsies, Bontje middige, de Vrouwluuj-zitting in Café D'n Heilige Jacobus, 't gaat in de zondig bie Café Dupont, de Achtersteveure van boete nao binne-zitting mit half-vaste bie Café Braam, etc. Ouch veur 2026 is ózze agenda al flink gevuld. Kiek hieveur oppe pagina mit ózze agenda.